දුම්රිය ධාවනයන්ට කාලගුණයෙන් බාධා
අද අලුයම තුනයි තිහට පමණ මුහුදුබඩ දුම්රිය මාර්ගයේ අලුත්ගම දුම්රිය ස්ථානයත් හෙට්ටිමුල්ල දුම්රිය ස්ථානයත් අතර හෙට්ටිමුල්ල ප්‍රදේශයේදී දුම්රිය මාර්ගයට පැවැති වැසි සහිත සුළං තත්ත්වය හේතුකොට ගෙන දුම්රිය මාර්ගයට ගස් කිහිපයක් කඩාවැටීම නිසා දුම්රිය ධාවනය පැය කිහිපයකට අවහිර වී තිබුණි.
මේ නිසා මුහුදුබඩ දුම්රිය මාර්ගයේ අද අළුයම දුම්රිය ධාවනයට බාධා එලවී තිබුණි මේ වන විට ගස් කපා ඉවත් කොට ඉවත්කොට දුම්රිය ධාවනය යථා තත්ත්වයට පත් කර තිබෙන ආකාරය දැක ගන්නට ලැබුණා.
උතුරු දුම්රිය මාර්ගය වැල්ලව ප්‍රදේශයෙන් ජලයෙන් යටවී තිබීම හේතුවෙන් එම මාර්ගයේ දුම්රිය ධාවනයට ද බාධා එල්ල වී ඇති අතර පුත්තලම මාර්ගයේ දුම්රිය මාර්ගයට බාධා එල්ල වී ඇති බව දුම්රිය දෙපාර්තමේන්තුව සඳහන් කළේය.
එමෙන්ම අයහපත් කාලගුණ තත්ත්වය හේතුවෙන් උඩරට දුම්රිය මාර්ගයේ කොළඹ කොටුව - බදුල්ල අතර ධාවනය වන සියලු දුම්රිය නැවත දැනුම්දෙන තුරු නානුඔය දක්වා පමණක් ධාවනය කරවීමට සැලසුම් කර ඇති බව දුම්රිය දෙපාර්තමේන්තුව සඳහන් කළේය.