කලර් ලයිට් ලඟ ඉන්න යාචකයන්ට සල්ලි දුන්නොත් රියදුරුට වෙන දේ
කොළඹ නගරය ඇතුළුව රටේ ප්‍රධාන මංසන්ධිවල රථවාහන ධාවනයට බාධාවන ලෙස ආලෝක සංඥා ආසන්නයේ රැඳී සිටිමින් සිඟමනේ යෙදෙන යාචකයන්ට මුදල් ලබා දෙන්නන්ට එරෙහිව නීතිය දැඩිව ක්‍රියාත්මක කිරීමට පොලිසිය තීරණය කර තිබෙනවා
රියැදුරන් විසින් හෝ වාහනයේ ගමන් ගන්නන් විසින් යාචකයන්ට මුදල් ලබා දීමට කටයුතු කළ හොත් ඔවුන්ට දඩ මුදලක් නියම කිරීමට ද පොලිසිය තීරණය කර තිබෙන්නේ
මෙම වැඩපිළිවෙළ ක්‍රියාත්මක කිරීමට රාජකාරියේ යෙදී සිටින පොලිස් නිලධාරීන් මෙන්ම සිවිල් ඇඳුමින් සැරසුනු පොලිස් කණ්ඩායම් යොදවා ආලෝක සංඥා ආසන්නයේ රැඳී සිටින බවත් යාචකයන්ට මුදල් දෙන වාහන ඔවුන් මාර්ගයෙන් හඳුනාගෙන නීතිය ක්‍රියාත්මක කරන බවත් ජ්‍යෙෂ්ඨ නියෝජ්‍ය පොලිස්පති (රථවාහන පරිපාලන සහ මාර්ග ආරක්ෂාව) ඉන්දික හපුගොඩ මහතා ප්‍රකාශ කළේය.
යාචකයන් ඉවත් කිරීමට ක්‍රියාමාර්ග ගන්නා බව ද රියැදුරන් එවැනි යාචකයන් සඳහා මුදල් ලබාදීම නතර කරන්නේ නම් ඔවුන් රැඳී නොසිටින බව ද ඔහු සදහන් කලා