ඉන්දියාවේ ඛේදවාචකයක් කාන්තාවන් 108ක් සහ ළමුන් 07ක් මරුට
ඉන්දියාවේ උත්තර ප්‍රදේශ් ප්‍රාන්තයේ හත්රාස් නගරයේ පැවැති හින්දු ආගමික උත්සවයක් අතරතුර සිදුවූ අනතුරකින් පුද්ගලයින් 116 දෙනෙකු මිය ගොස් තිබෙනවා.
ඉන් 108 දෙනෙක් කාන්තාවන්. කුඩා ළමුන් 07 දෙනෙකුද මිය ගොස් තිබෙනවා.
උත්සවය අවසානයේ හටගත් තෙරපීමකින් මෙම අනතුර සිදුව ඇති බව විදෙස් මාධ්‍ය වාර්තා කළා.
තෙරපිම හටගෙන ඇත්තේ වාර්ෂිකව පැවැත්වෙන සත්සංග් උත්සවය අතරතුරදීයි.
මෙම උත්සවය සඳහා වාර්ෂිකව දහස් ගණනක් සහභාගී වන අතර මෙවර 80,000කට වැඩි පිරිසක් සහභාගී වනු ඇති බවටයි මීට පෙර අනුමාන කර තිබුණේ.
කෙසේවෙතත් අපේක්ෂා කළ පිරිසට වඩා වැඩි පිරිසක් ඊට සහභාගි වී ඇති බව සංවිධායකයින් පවසනවා.