ශ්‍රී ලංකා ඉන්දියා පළමු එක්දින තරඟය අද
සංචාරක ඉන්දීය කණ්ඩායම සහ ශ්‍රී ලංකා කණ්ඩායම අතර තරඟ තුනකින් සමන්විත එක් දින ක්‍රිකට් තරඟාවලිය අද ආරම්භ වනවා.
මෙම තරඟ තුනම කොළඹ ආර් ප්‍රේමදාස ක්‍රීඩාංගනයේදී පැවැත්වෙන අතර අද තරඟය පස්වරු 02යි 30ට ආරම්භ වීමට නියමිතයි.
ශ්‍රී ලංකා කණ්ඩායම මෙම තරඟාවලියට පිවිසෙන්නේ දෙරට අතර පැවති විස්සයි විස්ස තරඟාවලිය තුනට බින්දුවක් ලෙස පරාජය වී ඇති පසුබිමක් තුළයි.
ශ්‍රී ලංකා කණ්ඩායම එම තරඟාවලියේදී ලැබූ පරාජයන් හේතුවෙන් බොහෝ පාර්ශවවල විවේචනයටද ලක්ව තිබෙනවා.