ටිපර් රථයේ හුළං යැවූ පොලිස් නිලධාරියාට එරෙහිව විනය පරීක්ෂණ
වත්තල ප්‍රදේශයේදී ටිපර් රථයක රෝදයක හුළං යැවූ පොලිස් නිලධාරියෙකුට එරෙහිව විශේෂ විමර්ශනයක් ආරම්භ කර තිබෙනවා.
ඒ, නාගරික රථවාහන කොට්ඨාසයේ අධ්‍යක්ෂ, ජ්‍යේෂ්ඨ පොලිස් අධිකාරී කමල් පුෂ්පකුමාරගේ උපදෙස් මතයි.
වත්තල ප්‍රදේශයේ මාර්ගයක් ආසන්නයේ නතර කර තිබූ ටිපර් රථයක රෝදයක එම පොලිස් නිලධාරියා විසින් එලෙස හුළං යවා තිබෙනවා.
වත්තල පොලීසියට අනියුක්තව සිට මේ වන විට නාගරික රථවාහන කොට්ඨාසයේ රාජකාරී සිදු කරන පොලිස් සැරයන්වරයෙකු විසිනුයි එය සිදු කර ඇත්තේ.
සිද්ධිය සම්බන්ධයෙන් නාගරික රථවාහන කොට්ඨාසයේ සහකාර පොලිස් අධිකාරීවරයෙකු යටතේ විමර්ශන ආරම්භ කර තිබෙනවා.