චීනය එපා කියා රුසියාව ඉන්දියාව තෝරා ගනී
රුසියාව සිය න්‍යෂ්ටික නොවන අයිස් කඩන ඉදිකිරීම් වැඩසටහන සඳහා චීනයට අතහැර ඉන්දියාව තෝරාගෙන ඇත.
රුසියාව සිය උතුරු මුහුදු මාර්ගය සංවර්ධනය කිරීමට සහ බටහිර සම්බාධක මගින් එල්ල කරන ලද අභියෝගවලට මුහුණදීමට සූදානම් වන පසුබිමක් තුළ මෙම තීරණය ගෙන තිබීම විශේෂත්වයක්.
ජාත්‍යන්තර විචාරකයින් පවසන්නේ මෙම සහයෝගීතාවය ඉන්දියානු-රුසියාව සබඳතා ශක්තිමත් කරනවා පමණක් නොව ආක්ටික් කටයුතුවල ප්‍රධාන ක්‍රියාකරුවෙකු ලෙස ඉන්දියාව ස්ථානගත කරන බවයි.
සමුද්‍රීය සහයෝගීතාව ශක්තිමත් කිරීම සඳහා සැලකිය යුතු පියවරක් ලෙස ඉන්දීය ආන්ඩුව රුපියල් කෝටි 6,000 (ඩොලර් මිලියන 750) කට වැඩි වටිනාකමකින් යුත් න්‍යෂ්ටික නොවන අයිස් කඩන නැව් හතරක් ඉදිකිරීම සඳහා රාජ්‍ය සහ පෞද්ගලික අංශයේ නැව් සාදන්නන් දෙදෙනෙකු සමඟ සාකච්ඡා කරමින් සිටී.
2023 නොවැම්බරයේදී රුසියාව න්‍යෂ්ටික නොවන අයිස් කඩන යන්ත්‍ර සහයෝගීව නිෂ්පාදනය කිරීම සඳහා ඉන්දියාවේ යෝජනාව හෙළි කළේය.