දුන්හිඳ බස්රථ අනතුරෙන් දිවි අහිමි වූ සිසුවියන් දෙදෙනාගේ අවසන් කටයුතු ගැන තීරණයක්
බදුල්ල මහියංගන ප්‍රධාන මාර්ගයේ අඹගහඔය ප්‍රදේශයේදී සිදු වූ බස් රථ අනතුරෙන් මිය ගිය සිසුවියන් දෙදෙනාගේ අවසන් කටයුතු කොතලාවල ආරක්ෂක විශ්වවිද්‍යාලයේ පූර්ණ අනුග්‍රහය යටතේ සිදු කිරීමට තීරණය කර තිබෙනවා.
ආරක්ෂක අමාත්‍යංශය පැවසුවේ 23 හැවිරිදි වියේ පසුවූ කුරුණෑගල සහ නිවිතිගල ප්‍රදේශවල පදිංචිව සිටි සිසුවියන් දෙදෙනෙක් එලෙස ජීවිතක්‍ෂයට පත්ව ඇති බවයි.
බදුල්ල මහියංගන ප්‍රධාන මාර්ගයේ අඹගහඔය ප්‍රදේශයේදී කොතලාවල ආරක්ෂක විශ්වවිද්‍යාලයට අයත් එම බස් රථය පෙරළී යාමෙන් තුවාල ලැබූ පුද්ගලයින් 40 දෙනා තවදුරටත් බදුල්ල මහ රෝහලේ නේවාසිකව ප්‍රතිකාර ලබනවා.
එම පිරිසට විශ්වවිද්‍යාල සිසුන් 36ක්, ආචාර්යවරුන් තිදෙනෙක්, යුද හමුදා හා නාවික හමුදා නිලධාරීන් දෙදෙනෙක් සහ බස් රථයේ රියදුරා අයත් බවයි පොලීසිය පැවසුවේ.
ඔවුන් අතරින් 06 දෙනෙකු තවදුරටත් දැඩි සත්කාර ඒකකයේ ප්‍රතිකාර ලබනවා.