19න් පහළ ශ්‍රී ලංකා කණ්ඩායමට එක්දින තරඟ ජයක්
ආසියානු වයස 19න් පහළ එක්දින ක්‍රිකට් තරඟාවලියේ තමන් සහභාගී වූ පළමු තරඟය ලකුණු 55කින් ජය ගැනීමට ශ්‍රී ලංකා වයස අවුරුදු 19න් පහළ කණ්ඩායම සමත් වුණා.
ඒ, නේපාල වයස අවුරුදු 19න් පහළ ක්‍රිකට් කණ්ඩායම පරාජයට පත් කරමින්.
තරඟයේ පළමුවෙන් පන්දුවට පහර දුන් ශ්‍රී ලංකා කණ්ඩායම නියමිත පන්දුවාර 50 අවසානයේ සියලු දෙනා දැවී රැස් කළ ලකුණු සංඛ්‍යාව 233ක්.
එහිදී ශාරුජන් ෂම්මුගනාදන් ලකුණු 62ක් සහ ලක්වින් අබේසිංහ ලකුණු 50ක් රැස් කළා.
ජයග්‍රාහී ලකුණු 234ක ඉලක්කයක් හඹා යාමට පිටියට පිවිසි නේපාල වයස අවුරුදු 19න් පහළ ක්‍රිකට් කණ්ඩායමට පන්දුවාර 46යි පන්දු 02ක් අවසානයේ සියලු ක්‍රීඩකයින් දැවී රැස්කිරීමට හැකිවූයේ ලකුණු 178ක් පමණයි.
පන්දු යැවීමේදී ප්‍රවීන් මනීෂ කඩුලු 03ක් බිඳ හෙළුවා. නිව්ටන් රංජිත් කුමාර්, කුගදාස් මාතුලන් සහ විහාස් තෙව්මික කඩුලු 02 බැගින් දවා ගත්තා.
ආසියානු වයස 19න් පහළ එක්දින ක්‍රිකට් තරගාවලියේ එක්සත් අරාබි එමීර් රාජ්‍යයේදී පැවැත්වෙනවා.