ශිෂ්‍යත්ව විභාගයේ පාසල් කඩයිම් ලකුණු නිකුත් කෙරේ
2024 වර්ෂයේ 05 ශ්‍රේණියේ ශිෂ්‍යත්ව විභාගයේ ප්‍රතිඵල අනුව 2025 හය ශ්‍රේණියට ශිෂ්‍යත්වධාරීන් යොමු කිරීම සඳහා තීරණය වූ පාසල් කඩයිම් ලකුණු අද නිකුත් කෙරුණා.
ඒ අනුව සිංහල මාධ්‍යයේ ඉහළම කඩයිම් ලකුණ හිමි වූ පාසල වන්නේ කොළඹ විශාකා විද්‍යාලයයි.
එම විද්‍යාලයේ කඩයිම් ලකුණු 173ක් වනවා.
කොළඹ දේවි බාලිකා විද්‍යාලයට සහ කුරුණෑගල මලියදේව බාලිකා විද්‍යාලයට සිසුවියන් ඇතුළත් කිරීම සඳහා ලැබී ඇති කඩයිම් ලකුණ 169ක්.
මහනුවර මහාමායා බාලිකා විද්‍යාලයට සහ කුරුණෑගල ශුද්ධ වූ පවුලේ බාලිකා මහ විද්‍යාලයට ශිෂ්‍යත්වධාරීන් ඇතුළත් කර ගැනීම සඳහා මෙවර ලැබී ඇති කඩයිම් ලකුණ 167ක් වනවා.
සිංහල මාධ්‍ය බාලක පාසල් අතරින් ඉහළම කඩයිම් ලකුණ හිමිව ඇත්තේ කොළඹ රාජකීය විද්‍යාලයටයි.
එම විද්‍යාලයේ කඩයිම් ලකුණ 172ක් වනවා. මහනුවර ධර්මරාජ විද්‍යාලය සඳහා ශිෂ්‍යත්වධාරීන් ඇතුළත් කර ගැනීමේ කඩයිම් ලකුණ 171ක්.
කොළඹ ආනන්ද විද්‍යාලයට හිමිව ඇති කඩයිම් ලකුණ වන්නේ 169ක්.
කුරුණෑගල මලියදේව පිරිමි විද්‍යාලයේ සහ මහනුවර කිංග්ස්වුඩ් විද්‍යාලයේ කඩයිම් ලකුණ 168ක් වනවා. ගාල්ල රිච්මන්ඩ් විද්‍යාලයේ කඩයිම් ලකුණ 167ක්.
සිංහල මාධ්‍ය මිශ්‍ර පාසල් අතරින් රත්නපුර සීවලී මධ්‍ය මහා විද්‍යාලයට මෙවර ඉහළම කඩයිම් ලකුණ හිමිව තිබෙනවා.
එම විද්‍යාලයට හිමිව ඇති කඩයිම් ලකුණ 165ක්.
කුරුණෑගල මලියදේව ආදර්ශ මහා විද්‍යාලයට හිමිව ඇති කඩයිම් ලකුණ 163ක්.
වීරකැටිය රාජපක්ෂ මහ්‍ය මහා විද්‍යාලයට 161ක කඩයිම් ලකුණක් හිමිව තිබෙනවා.
හොරණ තක්ෂිලා මධ්‍ය මහා විද්‍යාලය, අනුරාධපුර මධ්‍ය මහා විද්‍යාලය, බණ්ඩාරවෙල මධ්‍ය මහා විද්‍යාලයට මෙවර හිමි වී ඇති ශිෂ්‍යත්ව කඩයිම් ලකුණ 159ක්.
කඩඉම් ලකුණූbynethsoundon Scribd