විභාග කොමසාරිස්ගෙන් විශේෂ ප්රකාශය
මෙවර අධ්යයන පොදු සහතික පත්ර උසස් පෙළ විභාගයට සිසුන් ලියූ උත්තර පත්රවලට ආපදා තත්ත්වයෙන් කිසිදු හානියක් සිදුවී නොමැති බවත් එම සියලුම උත්තර පත්ර ඉතා සුරක්ෂිතව තිබෙන බවත් විභාග කොමසාරිස් ජනරාල් ඉන්දිකා ලියනගේ අවධාරණය කරනවා.
උසස් පෙළ සියලුම උත්තර පත්ර මේ වන විට නියමිත ආරක්ෂිත ස්ථානවල තිබෙන බවත් ආපදාවට ලක්වී නොමැති ප්රදේශවල උත්තර පත්ර ඇගයීමේ කටයුතු නිසි පරිදි සිදුවන බවත් විභාග කොමසාරිස් ජනරාල්
සඳහන් කරනවා.
සෑම දිනයකම විභාගය අවසානයේදී සියලුම උත්තර පත්ර ආරක්ෂිතව අදාළ ආරක්ෂිත ස්ථාන කරා ගෙනයන බවත් එය වසර ගණනාවක් තිස්සේ නිවැරදිව සිදුවන බවත් ආපදා කළමනාකරණ මධ්යස්ථානය සමඟද විභාගය පැවැත්වෙන කාල සීමාවේදී කාලගුණ තත්ත්වයන් පිළිබඳව නිරන්තරයෙන් සාකච්ඡා කොට අවධානයෙන් සිටින බවත් විභාග කොමසාරිස් ජනරාල්වරිය වැඩිදුරටත් ප්රකාශ කළා.