මවකට හා පුතෙකුට දිවි අහිමිකරමින් මාරක රිය අනතුර
බස් රථයක් හා ත්රීරෝද රථයක් මුහුණට මුහුණ ගැටී අද (17) දහවල් දෙහිඅත්තකණ්ඩිය ප්රදේශයේ සිදු වූ මාරාන්තික රිය අනතුරකින් දෙදෙනෙකු ජීවිතක්ෂයට පත්ව තිබේ.
පොළොන්නරුව - මහියංගණය මාර්ගයේ මුවගම්මන ප්රදේශයේදී මෙම අනතුර සිදුව ඇත.
දෙහිඅත්තකණ්ඩිය දෙස සිට මහියංගනය දෙසට ධාවනය වූ මඟී බස් රථයක් හා ප්රතිවිරුද්ධ දෙසින් පැමිණි ත්රීරෝද රථයක් මෙම අනතුරට මුහුණ පා තිබේ.
අනතුරින් ත්රීරෝද රථයේ රියදුරු, ඔහුගේ බිරිඳ හා පිරිමි දරුවන් දෙදෙනා බරපතළ තුවාල ලබා දෙහිඅත්තකණ්ඩිය රෝහලට ඇතුළත් කිරීමේදී මව හා එක් දරුවෙකු මියගොස් ඇති බව පොලීසිය පවසයි.
මියගිය මව වයස අවුරුදු 33ක් හා දරුවා වයස අවුරුදු 02ක් වූ මාවනාගම, දෙහිඅත්තකණ්ඩිය ප්රදේශයේ පදිංචිකරුවන්ය.