ඊශ්‍රායලය සහ ඉරානය නව ප්‍රහාර රැසක් දියත් කරයි
ඉරාන න්‍යෂ්ටික වැඩසටහනට සම්බන්ධ ටෙහෙරානයේ යටිතල පහසුකම් ස්ථාන ඉලක්ක කර ඊශ්‍රායලය විසින් නැවතත් ප්‍රහාර මාලාවක් එල්ල කර ඇති බව විදෙස් මාධ්‍යවාර්තා කර තිබේ.
මෙම ඉලක්ක අතර ඉරාන ආරක්ෂක අමාත්‍යංශයේ මූලස්ථානය සහ ආරක්ෂකක නවොත්පාදන හා පර්යේෂණ සංවිධානයට ඉලක්ක කරගත් බව ඊශ්‍රායල හමුදාව පවසයි.
ටෙහෙරානයේ තෙල් අමාත්‍යංශය පැවසුවේ අගනුර ෂහ්රාන් තෙල් ගබඩාවට ඊශ්‍රායල ප්‍රහාරවලින් හානි සිදුව ඇති බවය.
මේ අතර එල්ල වූ ප්‍රහාර හමුවේ නැවත ප්‍රති ප්‍රහාර යොමු කිරීමටද ඉරානය කටයුතු කර තිබේ.
ඒ අනුව ඉරානය ඊශ්‍රායලය ඉලක්ක කර නව ඩ්‍රෝන ප්‍රහාරයක් සහ මිසයිලයක් දියත් කර ඇති බව විදෙස් මාධ්‍යවාර්තා කර ඇත.
මේ අතර ඊශ්‍රායල අග්‍රාමාත්‍ය බෙන්ජමින් නෙතන්යාහු තම ආරක්ෂක කැබිනට් මණ්ඩලය කැඳවා ඇතැයිද වාර්තා වේ.
ඊශ්‍රායලය ඉරානයෙන් නැවත මිසයිල ප්‍රහාරවලට මුහුණ දෙන අතරවාරයේ නෙතන්යාහු ආරක්ෂක කැබිනට් මණ්ඩලය කැඳවා ඇති බව විදෙස් මාධ්‍යවාර්තා කර ඇත.