සම පැහැපත් කරන ආලේපනවල ප්රමිතිය පරීක්ෂා කරන්න නව තාක්ෂණය
මෙරට පාරිභෝගික ජනතාවගේ ආරක්ෂාව තහවුරු කිරීමේ අරමුණින්, එක්සත් ජාතීන්ගේ සංවර්ධන වැඩසටහන යටතේ පාරිභෝගික කටයුතු පිළිබඳ අධිකාරිය වෙත රුපියල් ලක්ෂ 180ක් වටිනා නවීන ජංගම රසදිය විශ්ලේෂක යන්ත්ර දෙකක් පරිත්යාග කර තිබේ.
එම යන්ත්ර සංකේතාත්මකව පාරිභෝගික කටයුතු පිළිබඳ අධිකාරිය වෙත භාරදීම අද(27) වෙළෙඳ අමාත්යංශයේදී සිදු කෙරිණි.
ඒ සඳහා විෂයභාර අමාත්ය වසන්ත සමරසිංහ මහතා සහ පාරිභෝගික කටයුතු පිළිබඳ අධිකාරියේ අධ්යක්ෂ ජනරාල් සමන්තා කරුණාරත්න මහත්මිය ඇතුළු පිරිසකගේ සහභාගී වී ඇත.
වෙළෙඳපොළේ අලෙවි කරනු ලබන සම පැහැපත් කරන ආලේපන ඇතුළු විවිධ රූපලාවණ්ය නිෂ්පාදනවල අඩංගු රසදිය ප්රමාණය ඉතා කෙටි කාලයක් තුළ පරීක්ෂා කර බැලීමට මෙම ජංගම රසදිය විශ්ලේෂක යන්ත්ර දෙක හරහා හැකියාව ලැබේ.
පාරිභෝගික සුරක්ෂිතතාව තහවුරු කිරීම සඳහා පාරිභෝගික කටයුතු පිළිබඳ අධිකාරිය මේ දක්වා සිදුකර තිබෙන කාර්යභාරය ඇගයීමට ලක් කරමින් තවදුරටත් එම කටයුතු පහසු හා කඩිනම් කිරීම සඳහා මෙම යන්ත්ර දෙක එක්සත් ජාතීන්ගේ සංවර්ධන වැඩසටහන යටතේ පරිත්යාග කර තිබේ.