කංජිපානි ඇතුළු පාතාලේ සෙට් එක ලංකාවට ගේන්න යන විදිය
බෙලරූස් රාජ්‍යයේදී අත්අඩංගුවට පත් වූ සංවිධානාත්මක අපරාධ කල්ලි සාමාජිකයන් වන කංජිපානි ඉම්රාන්, ලොකු පැටී සහ රොටුඹ අමිල දිවයිනට රැගෙන ඒම සඳහා අවශ්‍ය කටයුතු සිදු කරන ලෙසට එරට ශ්‍රී ලංකා කොන්සල් ජනරාල්වරයාට දැනුම් දී තිබෙනවා.
බෙලරූස් රාජ්‍යයේදී සැකකරුවන් අත්අඩංගුවට ගෙන ඇති බව එරට අභ්‍යන්තර කටයුතු අමාත්‍යංශය විසින් මෙරට අපරාධ පරීක්ෂණ දෙපාර්තමේන්තුව වෙත දැනුම් දී තිබුණා.
ඒ අනුව අපරාධ පරීක්ෂණ දෙපාර්තමේන්තුව විසින් ඒ පිළිබඳව විදේශ කටයුතු අමාත්‍යංශය වෙත දැනුම් දී තිබෙනවා.
ඒ අනුව සැකකරුවන් දිවයිනට රැගෙන ඒම සඳහා අවශ්‍ය කටයුතු කරන ලෙසටයි විදේශ කටයුතු අමාත්‍යංශය බෙලරූස් ශ්‍රී ලංකා කොන්සල් ජනරාල්වරයාට දැනුම් දී ඇත්තේ.
සංවිධානාත්මක අපරාධ කල්ලි සාමාජිකයන් වන කංජිපානි ඉම්රාන්, ලොකු පැටී සහ රොටුඹ අමිල නීති විරෝධී ලෙස බෙලරූස් රාජ්‍යයට ඇතුල්වීමේ චෝදනා යටතේ ඔවුන් අත්අඩංගුවට ගෙන ඇති බවයි වාර්තා වුණේ.