සංගක්කාරට එංගලන්ත ක්‍රිකට් කණ්ඩායමේ පුහුණුකාර ධුරයට?
පුරප්පාඩු වීමට නියමිත එංගලන්ත ජාතික ක්‍රිකට් කණ්ඩායමේ එක්දින සහ විස්සයි විස්ස ප්‍රධාන පුහුණුකාර ධුරය සඳහා හිටපු ශ්‍රී ලංකා නායක කුමාර් සංගක්කාර අපේක්ෂකයෙකු වනු ඇති බව විදෙස් මාධ්‍ය වාර්තා කර තිබෙනවා .
එංගලන්ත කණ්ඩායමේ මෙ වන විට එම ධුරය දරණ මැතිව් මොට් එම ධුරයෙන් ඉවත් වීමට නියමිත අතර, අදාළ ආකෘතිවල එංගලන්ත කණ්ඩායමේ නායකයා ලෙස ඉදිරියටත් ජෝෂ් බට්ලර් සිටිනු ඇතැයි එම විදෙස් මාධ්‍ය වාර්තා කරන්නේ
බ්‍රිතාන්‍යයේ සුප්‍රකට The Telegraph UK මෙම කරුණ වාර්තා කිරීමේ දී කුමාර් සංගක්කාර සහ ජෝෂ් බට්ලර් අතර රාජස්ථාන් රෝයල්ස් කණ්ඩායමේ පවතින සබඳතාව අනාවරණය කර ඇති අතර, එළඹෙන සතියේ සිට පුරප්පාඩු වන ප්‍රධාන පුහුණුකාර ධුරය සඳහා සලකා බැලීමට නියමිත අපේක්ෂකයන් දෙදෙනෙකු ද නම් කර තිබෙනවා.