මැගසින් බන්ධනාගාරය තුළට රැගෙනයාමට උත්සහකළ මත්ද්‍රවය අත්අඩංගුවට
මාළිගාකන්ද මහේස්ත්‍රාත් අධිකරණය මගින් රක්ෂිත බන්ධනාගාරගත කළ සැකකරුවකු විසින් ගුද මාර්ගයේ සඟවා මැගසින් බන්ධනාගාරය තුළට මත්ද්‍රව්‍ය රැගෙන යාමට උත්සාහ කිරීමේදී අත්අඩංගුවට ගෙන තිබෙනවා.
නව මැගසින් බන්ධනාගාරය තුළට ඇතුළත් කිරීමට පෙර බන්ධනාගාර හදිසි ප්‍රතිචාර හා උපක්‍රමික බලකා නිලධාරීන් විසින් සෝදිසි කිරීමක් කළා.
එහිදි ගුද මාර්ගයේ ඉතා සූක්ෂමව සඟවා තිබියදී අයිස් යැයි සැකකළ හැකි මත්ද්‍රව්‍ය ප්‍රමාණයක් නිලධාරීන් භාරයට ගත් බවයි බන්ධනාගාර මාධ්‍ය ප්‍රකාශකවරයා සඳහන් කර සිටියේ
අදාල තහනම් ද්‍රව්‍ය ඉදිරි නීතිමය කටයුතු සඳහා බොරැල්ල පොලිසියට අද (13) දින භාරදීමට කටයුතු කළා.
මෙම සිදුවීම සම්බන්ධයෙන් නව මැගසින් බන්ධනාගාරය මගින් විමර්ශන කටයුතු ආරම්භ කර තිබෙනවා.